क्रान्ति अर्याल
स्याङ्जा,१३ जेठ । स्याङ्जा जिल्लाको वालिङ नगरपालिका–११ तल्लो पेखुमा चितुवाको आक्रमणबाट एक जना व्यक्ति घाइते भएका छन् ।
घाइते हुनेमा ४५ वर्षीय मुक्तबहादुर थापा रहेका छन् । घर नजिकैको कुखुराको खोरमा चितुवा पसेको देखेर हेर्न गएका थापा माथि चितुवाले अचानक आक्रमण गरेको स्थानीयले बताएका छन् ।
आक्रमणमा परेका थापाको टाउको र हातमा चोट लागेको छ । उक्त क्षेत्रमा चितुवाले दिनहुँजसो पशुचौपाया माथि आक्रमण गर्दै आएको स्थानीयवासीको भनाइ छ ।
घाइते थापालाई वालिङ स्वास्थ्य केन्द्रमा प्राथमिक उपचारपछि थप उपचारका लागि पोखरा पठाइएको जिल्ला प्रहरी कार्यालय स्याङ्जाका सूचना अधिकारी प्रसन्नराज चौधरीले जानकारी दिनुभयो ।
